Мейіргер ісі

09130100 – Мейіргер ісі

Біліктілігі: 4S09130103 – Жалпы практикадағы мейіргер

        Колледж Білім беру қызметін «Қазақстан Республикасы Білім және ғылым министрлігі Білім және ғылым саласындағы бақылау комитетінің Түркістан облысының Білім саласындағы бақылау департаменті» мемлекеттік мекемесінің 2018 жылы қайта рәсімделген №КZ83LAA00013645 мемлекеттік мерзімі шектеусіз лицензиясы негізінде Мейіргер ісі мамандығына 2014 жылдан бері күндізгі бөлімге студенттерді қабылдайды. Оқу мерзімінің ұзақтығы – негізгі орта білімнен кейін 3жыл, 10 айды; жалпы орта білімнен кейін 2жыл, 10айды құрайды. Алғашқы түлектер 2016-2017 оқу жылында оқуды аяқтап, 14 студент Жалпы практикадағы мейіргер біліктілігін алды. Жыл сайын студенттер саны артып, қазіргі таңда 292 студент 12 топта мемлекеттік тілде білім алуда. Топтағы студенттер саны 25 тен аспайды. Әр топқа топ тәлімгері тағайындалып, олар тәрбие сағаттарында студенттерге бағыт-бағдар береді. 2017-2022 жылдар аралығында мамандықты жалпы 300 ге жуық студент тәмамдап, оның 1-2% ы жоғары оқу орнына түссе, 75% ы өз мамандығы бойынша еліміздің барлық аймағында жұмыс атқаруда. 2,3,4-курс студенттері өндірістік және кәсіптік практикадан қаламыздағы ірі мекемелерде өтіп, жетекшілерден іс-тәжірибелердің дағдыларын меңгереді.